U Biełarusi pačali vypuskać papularnuju ŭ Jeŭropie rybnuju pastu
«Santa Bremar» pačała vypuskać u Breście pastu ź file atłantyčnych ryb. Navinka «Atłantyk Fiš» užo pastupiła ŭ biełaruskija kramy.
Pry vytvorčaści pasty vykarystoŭvajuć miks roznych vidaŭ atłantyčnych ryb. Asnovu praduktu składajuć traskovyja ryby — sajda i traska. Siarod asablivaściaŭ — niezvyčajnaja struktura: technołahi damahlisia miakkaj kansistencyi, ale zachavali teksturu rybnaha vałakna.
Rybnaja navinka vystupaje krynicaj białku i vyrablajecca biez kansiervantaŭ. U paście zachavanyja karysnyja tłustyja kisłoty, paŭnavartasny rybny białok i vitaminy, jakimi tak bahataja marskaja ryba.
«Atłantyk Fiš» pradstaŭleny na palicy tryma raznavidnaściami, u tym liku pastaj vyklučna z traski i sajdy dla amataraŭ naturalnaha smaku biełaj ryby. U dvuch inšych miksach skład pašyryli: u pieršuju dadali łasoś, u druhuju — skumbryju. U spałučeńni z łasosiem «biełaja ryba» raskryvaje jaho bahaty smak, a ŭ spałučeńni sa skumbryjaj — dazvalaje zbałansavać jaje smakavuju nasyčanaść i daje lohkuju pikantnaść.
Pastu «Atłantyk Fiš» možna vykarystoŭvać dla sendvičaŭ na śniadanak abo padčas pierakusu. Akramia taho, jaje možna dadavać u druhija stravy, takija jak pasta, pica, bulba, a taksama ŭ jakaści načyńnia dla pirahoŭ.
