U minskich radzilniach maładym mamam buduć uručać karobki z padhuzkami i dziciačym piure
Karobki ź nieabchodnymi padarunkami buduć uručać va ŭsich radzilniach Minska, a taksama ŭ RNPC «Maci i dzicia» i kliničnym radzilnym domie Minskaj vobłaści. Akcyja praciahniecca da 15 maja. Za hety čas płanujuć razdać 14 tysiač karobak.
«Vydavać padarunkavuju karobku maładoj mamie buduć adrazu paśla naradžeńnia małoha: u pieršyja ci druhija sutki. Tam šmat karysnych rečaŭ i srodkaŭ, jakija spatrebiacca ŭžo ŭ pieršyja dni žyćcia dziciaci i ablehčać kłopaty baćkam», — raskazała Maryna Škrob, namieśnik hałoŭnaha ŭrača pa akušerska-hiniekałahičnaj dapamozie 5-j haradskoj kliničnaj balnicy Minska.
Što budzie ŭ karobcy? Heta padhuzki, hihijeničnyja pialonki, łaktacyjnyja układyši, dziciačaje charčavańnie, nahrudnik, albom dla mamy, źnižkavyja kartki, krem dla skury i inšaje.
Prajekt pa ŭručeńniu padarunkavych naboraŭ maładym mamam upieršyniu byŭ zapuščany ŭ studzieni 2019 hoda. Inicyjatyvu realizuje adukacyjny prajekt «MamaPro» pry padtrymcy Ministerstva achovy zdaroŭja.