U žychara Maładziečanščyny patrabavali hrošy za intymnaje videa
35-hadovy žychar Maładziečanskaha rajona vysłaŭ dziaŭčynie intymnaje videa, paśla čaho jana zapatrabavała siem tysiač rasijskich rubloŭ, raspaviali ŭ Maładziečanskim RAUS.
Biespracoŭny mužčyna paznajomiŭsia pa vajbiery ź dziaŭčynaj Alinaj. Jana dasłała mužčynu videa intymnaha charaktaru. Ale pierad kamieraj paziravała tak, kab nie było bačna tvaru.
Mužčyna dasłaŭ intymnaje videa ŭ adkaz. U tym roliku jon byŭ paznavalny. Suviaź chutka abarvałasia. Paśla ŭ sacyjalnaj sietcy z fejkavaj staronki mužčynu dasłali paviedamleńnie z patrabavańniem hrašovaha pieravodu. Cana pytańnia była siem tysiač rasijskich rubloŭ.
U advarotnym vypadku, videazapis virtualnaha seksu abiacali razasłać siabram i znajomym. Žychar Maładziečanskaha rajona nie paddaŭsia na pahrozy i kateharyčna admoviŭsia płacić hrošy. U vyniku rolik 18+ adpravili svajakam paciarpiełaha.
Ranicaj taho ž dnia mužčyna źviarnuŭsia ŭ milicyju. Pa hetym fakcie pravodziać pravierku. Ustanavili, što vajbier zarehistravali na rasijski numar, IP-adras karystalnika taksama naležyć Rasii.
Za vymahalnictva padobnaha rodu moža pahražać da piaci hadoŭ pazbaŭleńnia svabody. Kali ž ašukancy dziejničajuć hrupaj, to maksimalnym pa hetym artykule pakarańniem budzie pazbaŭleńnie voli terminam da dziesiaci hadoŭ.
