Žychar Lidy pračytaŭ pierapisku byłoj žonki. Za heta jaho buduć sudzić
U milicyju źviarnułasia 32-hadovaja žančyna, jakaja paviedamiła pra toje, što na jaje staronku ŭ internecie niezakonna zajšoŭ inšy karystalnik, u čym jana padazraje svajho byłoha muža, paviedamlaje Śledčy kamitet.
Pavodle śledstva, 23-hadovy mužčyna, vykarystoŭvajučy svoj mabilny telefon i noŭtbuk, bieź viedama i dazvołu byłoj žonki atrymaŭ dostup da jaje kampjutarnaj infarmacyi. Mužčyna atrymaŭ dostup da kanfidencyjnych źviestak byłoj žonki, u tym liku da paviedamleńniaŭ. Padazravany rastłumačyŭ, što zrabiŭ heta ź cikaŭnaści, bo chacieŭ aznajomicca z asabistaj infarmacyjaj i paviedamleńniami žančyny.
Zaviali kryminalnuju spravu pa č.2 st.349 Kryminalnaha kodeksa (niesankcyjanavany dostup da kampjutarnaj infarmacyi, ździejśnieny ź inšaj asabistaj zacikaŭlenaści).
