U Minsku vynieśli prysud pa spravie 37 narkahandlaroŭ
Minski haradzki sud vynies prysud pa maštabnaj kryminalnaj spravie ab raspaŭsiudzie narkotykaŭ. Takaja infarmacyja prahučała ŭ efiry telekanała «Biełaruś 1», paviedamlaje BiełTA.
Na łavie padsudnych było 37 čałaviek. Jany padazravalisia ŭ raspaŭsiudzie narkotykaŭ u Biełarusi, u tym liku i ŭ bujnym pamiery. Bolšaść fihurantaŭ ździajśniali złačynstvy ŭ składzie arhanizavanych hrup i dziejničali praź internet, vykarystoŭvajučy roznyja sposaby šyfravańnia i kanśpiracyi, da prykładu, bieskantaktavy šlach raspaŭsiudžvańnia narkotykaŭ. Padčas rasśledavańnia kanfiskavana bolš za 7 kh narkatyčnych i psichatropnych rečyvaŭ. Kožny z udzielnikaŭ vykonvaŭ svaju rolu: zakładnika, kuŕjera abo aptavika.
U vyniku abvinavačanyja atrymali roznyja terminy - ad tak zvanaj chatniaj chimii da 15 hadoŭ pazbaŭleńnia voli. Dvaich adpuścili z-pad varty.