U Homieli chłopiec na BMW vylecieŭ na tratuar i źbiŭ troch nastaŭnic, jakija vychodzili z restarana
abnoŭlena
U centry Homiela, na vulicy Savieckaj, aŭtamabil BMW 740 na vialikaj chutkaści vylecieŭ na tratuar, źbiŭ troch žančyn i stuknuŭsia ab słup, paviedamlaje UUS Homielskaha abłvykankama.
Avaryja adbyłasia kala 22.50 12 kastryčnika.
Kiroŭca BMW 1998 hoda naradžeńnia, jaki nie spraviŭsia z kiravańniem, i žančyna-piešachod 1976 hoda naradžeńnia zahinuli. Cieła zahinułaha vadziciela zacisnuła ŭ kučy mietału, u jakuju pieratvaryŭsia BMW paśla sutyknieńnia z aporaj tralejbusnaj kantaktnaj sietki.
Dźvie inšyja žančyny-piešachody, 1983 i 1970 hadoŭ naradžeńnia, ź ciažkimi traŭmami špitalizavany z papiarednim dyjahnazam «zakrytaja čerapna-mazhavaja traŭma».
Try žančyny byli nastaŭnicami, piša gomel.today. Zahinuła ŭ avaryi namieśnica dyrektara homielskaj škoły №21.
U Homieli kažuć, što nastaŭnicy viartalisia ź niedarahoha restarana na Savieckaj, dzie praviali subotni viečar.
Kiroŭca, piša ČP Homiel, pavodle niepaćvierdžanaj infarmacyi, byŭ vypusknikom Mižnarodnaha instytuta pravavych i sacyjalnych adnosin i prachodziŭ praktyku ŭ Śledčym kamitecie. U toj fatalny viečar jon jechaŭ da svajoj dziaŭčyny.