Adbyłasia rakietnaja ataka na iranski tankier u Čyrvonym mory
presstv.com
Na iranskim naftavym tankiery ŭ Čyrvonym mory adbylisia dva vybuchi z roźnicaj u 20 chvilin, piša PressTV sa spasyłkaj na iranskuju dziaržaŭnuju tankiernuju kampaniju.
Pa dadzienych kampanii, vybuchi, imavierna, byli vyklikanyja dvuma rakietnymi ŭdarami.
Jak adznačaje iranskaje ahienctva ISNA (jano paviedamlaje ab adnym vybuchu), incydent adbyŭsia za 60 milaŭ (96,5 km) ad horada Džyda ŭ Saudaŭskaj Aravii. U vyniku byli paškodžanyja dva naftavyja adsieki, što pryviało da ŭciečki nafty ŭ mora. Nichto z členaŭ ekipaža nie paciarpieŭ. Pa dadzienych ahienctva, havorka moža iści ab terarystyčnaj atacy.
Jak adznačaje Bloomberg, paśla paviedamleńniaŭ ab vybuchu cana na naftu marki Brent vyrasła prykładna na 2% i prabiła adznaku ŭ $60 za barel.