Kamunisty-łukašenkaŭcy praciahvajuć admaŭlać Kurapaty
7 kastryčnika ŭ Centralnym kamitecie Kampartyi Biełarusi pry ŭdziele druhoha sakratara CK Hieorhija Atamanava była prezientavanaja kniha Alaksandra Płavinskaha «Kurapaty — la vytokaŭ histaryčnaj siensacyi».
Hetaja kniha dakazvaje, što ŭ Kurapatach rasstrelvali nie ŭ 1937—1941 hadach, a ŭ pieryjad niamieckaj akupacyi z 1941 pa 1944 hady. Hipotezy, vykazanyja ŭ knizie, piarečać vysnovam śledstvaŭ, praviedzienych biełaruskaj prakuraturaj i vajskovaj prakuraturaj u 1980-ja, 1990-ja i 2000-ja hady. Jany vyjavili, što ŭ Kurapatach pachavanyja dziasiatki tysiač achviar stalinizmu.
Kampartyja Biełarusi, u adroźnieńnie ad Partyi levych «Spraviadlivy śviet», padtrymlivaje Alaksandra Łukašenku i ŭzamien maje roznaha rodu pryvilei, delehuje deputataŭ u Pałatu pradstaŭnikoŭ i saviety roznaha ŭzroŭniu.