Za adzin dzień ź Biełarusi było 30 tysiač sprobaŭ rehistracyi na «kartu palaka»
Za adzin dzień u Vajavodckim upraŭleńni ŭ Biełastoku było zafiksavana 30 tysiač sprobaŭ rehistracyi praź internet na atrymańnie «karty palaka». Usie sproby — ź Biełarusi, piša Radyjo Svaboda.
Padobnuju infarmacyju apublikavaŭ u fejsbuku žurnalist i dziejač polskaj mienšaści ŭ Biełarusi Andžej Pačobut. Što praŭda, Pačobut kaža pra 30 tysiač čałaviek, jakija sprabavali zarehistravacca, u toj čas jak Vajavodskaje ŭpraŭleńnie ŭ Biełastoku paćviardžaje tolki 30 tysiač sprobaŭ, što nie toje samaje.
Pres-słužba Padlaskaha vajavody taksama patłumačyła, što zarehistravacca na vydaču «karty palaka» ŭ Vajavodskim upraŭleńni ŭ Biełastoku mahčyma tolki 430 asobam za miesiac.
«Sa źviestak, atrymanych ad hrupy infarmatykaŭ, vynikaje, što ŭ dzień adkryćcia internet-rehistracyi 1 kastryčnika 2019 hoda (heta zaŭsiody pieršy pracoŭny dzień miesiaca), było adznačana kala 30 tysiač sprobaŭ uvachodu ŭ sistemu zapisu na čarhu», — patłumačyła Silvija Staha.
Svabodzie taksama raskazali, što vajavoda ŭ Biełastoku źjaŭlajecca adzinym z 16 vajavodaŭ u Polščy, jaki pastanovaj ŭrada z 2017 hoda nadzieleny pravam vydačy i abnaŭleńnia «karty palaka». Karystacca hetaj kampetencyjaj padlašskaha vajavody mohuć tolki hramadzianie Respubliki Biełaruś i tyja, chto ŭ Biełarusi maje status asoby biez hramadzianstva.
Rehistracyja na vydaču «karty palaka» ŭ Vajavodskim upraŭleńni ŭ Biełastoku nie zaležyć ad konsulstvaŭ Polščy za miažoj (kožnaje konsulstva maje svaju rehistracyjnuju sistemu vydačy «karty palaka»).
