Na mastaka, jaki pryjšoŭ na adkryćcio vystavy hołym i pryniaŭšy vijahru, napisali zajavu ŭ milicyju

Fota Aleny Łaškievič

Dziejańniam mastaka, jaki pryjšoŭ na adkryćcio vystavy hołym, prykryŭšy toje samaje miesca tabličkaj «Ministerstva kultury», dajuć acenku pravaachoŭnyja orhany, piša Tut.by

U Nacyjanalnym centry sučasnaha mastactva paličyli, što Alaksiej Kuźmič «dapuściŭ dziejańni, jakija abražajuć Ministerstva kultury, a taksama što jany nanieśli značny ŭron dziełavoj reputacyi centra».

Taksama centr zajaviŭ «pra poŭnuju niedatyčnaść da hetaj akcyi», i pra toje, što jon «rezka asudžaje lubyja dziejańni i akcyi, jakija prajaŭlajuć cyničnuju niepavahu da hramadstva i jaho dziaržaŭnych instytutaŭ».

«U ciapierašni čas pravaachoŭnymi orhanami pravodzicca pravavaja acenka dziejańniaŭ Kuźmiča A.A.», — zajavili ŭ NCSI.

Pres-sakratar Ministerstva ŭnutranych spraŭ Volha Čamadanava paćvierdziła TUT.BY, što milicyja sapraŭdy pravodzić pravierku.

— Materyjały zaraz znachodziacca ŭ Savieckim RUUS. Ale pakul niama acenki jaho dziejańniaŭ.

Taksama jana adznačyła, što pravierka pačałasia pa zajavie pradstaŭnika ŭstanovy.

Vystavu minskaha mastaka adcenzuravali. Tady jon najeŭsia vijahry i pryjšoŭ z šyldaj Minkulta na tym samym miescy FOTA

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0