Pucin pavysiŭ zarobki sabie i Miadźviedzievu

Pres-sakratar prezidenta RF Dźmitryj Piaskoŭ paviedamiŭ, što padvyšeńnie zarobkaŭ prezidenta i premjer-ministra maje płanavy charaktar. «Tak, płanavaja indeksacyja», - cytujuć Piaskova RIA «Naviny».

Ukaz ab pavyšeńni zarobkaŭ sabie, premjer-ministru, kiraŭnikam SK i hienprakuratury RF na 4,3% Uładzimir Pucin padpisaŭ u svoj dzień naradžeńnia 7 kastryčnika.

Za 2018 hod Uładzimir Pucin zarabiŭ 8,65 miljona rasijskich rubloŭ (bolš za 130 tysiač dalaraŭ), adznačaje tut.by. Jon vałodaje kvateraj 77 m2, haražom 18 m2, dvuma rarytetnymi aŭtamabilami (HAZ-M21 i «Niva»), a taksama karystajecca kvateraj płoščaj 153 m2.

U Dźmitryja Miadźviedzieva zadekłaravany dachod u 9,9 miljona rasijskich rubloŭ (bolš za 150 tysiač dalaraŭ). Premjer-ministr vałodaje kvateraj u 367,8 m2, aŭtamabilami HAZ-20 i HAZ-21, a taksama aranduje ŭčastak płoščaj 4,7 km2.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0