Tramp pryhraziŭ «razburyć i źniščyć» ekanomiku Turcyi
Prezident ZŠA Donald Tramp u svaim tvitary paabiacaŭ razburyć ekanomiku Turcyi ŭ tym vypadku, kali jaje ŭłady zrobiać niešta, što budzie niedapuščalnym.
«Jak ja i zajaŭlaŭ raniej, kali Turcyja zrobić niešta, što ja, u svajoj vialikaj i nieparaŭnalnaj mudraści, paliču takim, što vychodzić za ramki, ja całkam źnišču ekanomiku Turcyi (ja rabiŭ heta raniej!)», — napisaŭ Tramp.
Taksama jon źviarnuŭ uvahu na toje, što Ankara pavinna nieści adkaznaść za pałonnych bajevikoŭ «Isłamskaj dziaržavy» i ich rodnych. Tramp taksama padkreśliŭ, što Złučanyja Štaty zrabili «bolš, čym niechta moh čakać» u baraćbie z «Isłamskaj dziaržavaj» — zaraz nadyšła čarha bahatych krain Blizkaha Uschodu zajmacca hetaj prablemaj.
«ZŠA — vialikaja kraina!» — zaviaršyŭ svaju tyradu amierykanski prezident.
Raniej 7 kastryčnika stała viadoma, što Złučanyja Štaty admovilisia padtrymlivać vajennuju apieracyju Turcyi ŭ Siryi. Amierykanskija vajennyja siły bolš nie buduć znachodzicca pobač ź miescam praviadzieńnia apieracyi. Kurdy nazvali takoje rašeńnie «ŭdaram u śpinu» z boku amierykancaŭ.
