U ZŠA zajavili, što mahli b pastaŭlać paliva dla BiełAES
ZŠA zaklikajuć Litvu i Biełaruś padtrymlivać dyjałoh u pytańni pra Biełaruskuju AES, jakaja budujecca, pryčym ZŠA navat mahli b pastaŭlać dla jaje paliva, zajaviła namieśnica ministra enierhietyki ZŠA Ryta Baranuoł, piša interfax.by.
Fota Nadziei Bužan
«ZŠA zaklikajuć Litvu i Biełaruś praciahvać znosiny i zachavać prazrystaść. Ja b skazała, što reaktary VVER, padobnyja da tych, što ŭstaloŭvajucca na BiełAES, biaśpiečna pracujuć u śviecie. U budučyni paliva zbolšaha mahli b pastaŭlać i amierykanskija pastaŭščyki paliva. Heta ŭžo robicca na niekatorych elektrastancyjach u śviecie», — skazała Baranuoł u paniadziełak ahienctvu BNS.
Raniej ministr enierhietyki ZŠA Ryk Piery, jaki znachodziŭsia ź vizitam u Vilni, zajaviŭ, što Litva pavinna mieć znosiny z MAHATE i Biełaruśsiu nakont BiełAES u Astraŭcy, a ZŠA nie buduć udzielničać u pieramovach pa hetym pytańni.
Paśla sustrečy ź Piery litoŭski prezident Hitanas Naŭsieda vykazaŭ nadzieju Litvy na toje, što «ZŠA aktyŭna ŭstupiać u dyjałoh ź Biełaruśsiu z metaj zabieśpiačeńnia biaśpieki BiełAES».
