Kim Kardašjan chryściła dziaciej u Armienii
@kimkardashian
Amierykanskaja madel i telezorka Kim Kardašjan chryściła svaich dziaciej u Ečmijadzinie (Armienija). Pra heta «Armienpres» paviedamiŭ kiraŭnik infarmacyjnaj słužby pieršaprastolnaha Śviatoha Ečmijadzina ijerej Vahram Mielikian.
Pavodle jaho słoŭ, abrad chryščeńnia adbyŭsia ŭ kaplicy sv. Vardana. «Nijakich asablivych cyrymonij nie było. Jak i ŭsie inšyja siemji, jany zahadzia zarehistravalisia, i ŭ pryznačany čas pryjšli i pryniali chryščeńnie», - adznačyŭ jon.
Kim Kardašjan pryjechała ŭ Armieniju dla ŭdziełu ŭ Suśvietnym kanhresie infarmacyjnych technałohij (WCIT-2019), jaki ŭpieršyniu projdzie ŭ Jerevanie z 6 pa 9 kastryčnika.
Partał Style.news.am taksama apublikavaŭ videa, na jakim bačna, jak Kardašjan prybyła ŭ Ečmijadzin sa svaimi čatyrma dziećmi. Pa dadzienych vydańnia, starejšaja dačka Kim i repiera Kańje Uesta Nort była chryščonaja ŭ Jerusalimie ŭ 2015 hodzie.
