U Hrodnie mužčynu pabili kala načnoha kłuba, vyvieźli ŭ bahažniku za horad i pakinuli ŭ kanavie VIDEA
U Hrodnie mužčynu pabili kala načnoha kłuba, vyvieźli ŭ bahažniku za horad i pakinuli ŭ prydarožnaj kanavie, paviedamlaje milicyja.
Kala 5.00 4 kastryčnika na hanku načnoha kłuba na vulicy Ažeška, pamiž dvuma naviedvalnikami zaviazałasia bojka. Paśla niadoŭhačasovaj razmovy 27-hadovy mužčyna ŭdaryŭ 34-hadovaha apanienta, jaki ŭ vyniku ŭpaŭ z prystupak. Paśla hetaha kryŭdziciel zaciahnuŭ paciarpiełaha ŭ bahažnik svajho aŭto, vyviez za horad i pakinuŭ u prydarožnaj kanavie kala vioski Čaščaŭlany.
U milicyju pra zdareńnie paviedamiŭ śviedka incydentu. Jon taksama apisaŭ prykmiety aŭtamabila. Paciarpiełaha milicyjaniery znajšli kala kanavy, jon spaŭ. Surjoznych paškodžańniaŭ mužčyna nie atrymaŭ.
Zavadataj kanfliktu viarnuŭsia ŭ kłub, dzie jaho zatrymali pravaachoŭniki. Zaviali kryminalnuju spravu pa č.1 st.183 (niezakonnaje pazbaŭleńnie voli) KK.