Kiraŭnik MZS Łatvii admianiŭ vizit u Minsk
Ministr zamiežnych spraŭ Łatvii Edhars Rynkievičs taksama admianiŭ svoj vizit u Minsk. Pra heta TUT.BY paviedamili ŭ MZS Łatvii.
«Vizit ministra admienieny, bo mierapryjemstva, zapłanavanaje na 4-5 kastryčnika, adkładzienaje», — skazali ŭ MZS Łatvii.
Jašče ŭčora ŭ siaredzinie dnia kiraŭnik MZS Łatvii źbiraŭsia ŭ Minsk. Jon źbiraŭsia pryniać udzieł u mierapryjemstvach pa tematycy «Uschodniaha partniorstva». Rynkievičs kazaŭ, što Łatvija padtrymlivaje padpisańnie pamiž Jeŭrasajuzam ź Biełaruśsiu pryjarytetam partniorstva i pahadnieńnia ab spraščeńni vizavaha režymu «ŭ najbližejšy čas, a nie praz hod, 5-10 hadoŭ».
Raniej stała viadoma, što Viarchoŭny pradstaŭnik Jeŭrasajuza pa zamiežnych spravach i palitycy biaśpieki Fiederyka Mahieryni i kiraŭnik MZS Litvy Linas Linkiavičus admianili svaje vizity ŭ Biełaruś.