Vice-premjer Turčyn: Dziaržava robić surjoznyja kroki pa libieralizacyi biznesu
Pra heta zajaviŭ siońnia žurnalistam staršynia Savieta pa raźvićci pradprymalnictva, pieršy namieśnik premjer-ministra Alaksandr Turčyn pierad pačatkam pasiadžeńnia savieta, pieradaje BIEŁTA.
Tema pasiadžeńnia — prezumpcyja dobrasumlennaści jak klučavy pryncyp uzajemadziejańnia dziaržavy i biznesu. «Siońnia my pasprabujem dać adkaz, jakim čynam heta vyznačać. I klučavy momant, na jakim ja chacieŭ by spynicca, heta pravaprymianialnaja praktyka», - adznačyŭ Alaksandr Turčyn. Prapisać u zakanadaŭstvie kožnuju situacyju, kožny vypadak składana ci navat niemahčyma, tamu i važnaja pravaprymianialnaja praktyka, dadaŭ jon.
«Na moj pohlad, dziaržava robić surjoznyja kroki pa libieralizacyi biźniesu, — skazaŭ pieršy vice-premjer. — 488-y ŭkaz admienieny, z 1 lipienia libieralizavany ceły šerah artykułaŭ Kryminalnaha kodeksa».
Na pytańnie, jaki ž hałoŭny efiekt ad pradprymanych mier, Alaksandr Turčyn adkazaŭ: «Ja ŭsio heta razhladaju praz pryzmu rostu ekanomiki. Siońnia paśpiachovaje raźvićcio biznesu — heta rost našaj ekanomiki. Jak śledstva — pavieličeńnie i płaciažoŭ u biudžet, i dabrabytu našaha naroda».
