Varaniecki: Biełaruś maje ŭsie padstavy dla biaźvizavaha režymu ź ES
Biełaruś maje ŭsie padstavy dla biaźvizavaha režymu ź Jeŭrasajuzam, zajaviŭ u efiry BT-1 staršynia pastajannaj kamisii pa mižnarodnych spravach Pałaty pradstaŭnikoŭ Valeryj Varaniecki.
«Padpisańnie vizavaha pahadnieńnia ź ES śviedčyła b ab adkrytaści Jeŭrapiejskaha sajuza da pašyreńnia supracoŭnictva z našaj krainaj. U vyniku budzie aktyvizavana dziełavoje supracoŭnictva pamiž Biełaruśsiu i ES, buduć pašyracca prajekty i prahramy ŭ halinie adukacyi i kultury. Adnak havorka idzie tolki pra źnižeńnie koštu viz z 60 da 35 jeŭra, a biełaruski bok daŭno pryniaŭ rašeńnie ab tym, što hramadzianie ES mohuć naviedvać našu krainu bieź viz, tak što my bolš adkryty ŭ hetaj častcy. Bolš za toje, ja b čakaŭ, kab ES staviŭ pytańnie nie pra źnižeńnie koštu vizy, a ab admienie viz dla hramadzian Biełarusi. Tym bolš kali ŭličyć, što siarod krain SND naša kraina bolš za ŭsich atrymlivaje viz na 100 tysiač hramadzian i mienš za ŭsich maje admoŭ. I pa narmatyŭnych dakumientach Jeŭrasajuza my majem usie padstavy dla taho, kab mieć biaźvizavy režym ź ES. Ja dumaju, ES pavinien vielmi ŭvažliva da hetaha pastavicca», — skazaŭ Valeryj Varaniecki.
