Ahulnaha z Rasijaj Padatkovaha kodeksa ŭ 2020 hodzie nie budzie
Staršynia parłamienckaj Pastajannaj kamisii pa pracy i sacyjalnych pytańniach Tamara Krasoŭskaja raspaviała, jak idzie praca nad stvareńniem ahulnaha Padatkovaha kodeksa z Rasijaj, piša kp.by.
— Heta abmiarkoŭvajecca, takaja zadača jość. Ale treba iści vielmi aściarožna, dziejničać pa kožnaj hrupie padatkaŭ: dzieści staŭki vyšej, dzieści nižej. Zakonaprajektam jon nie budzie razhledžany na hetym vosieńskaj siesii, u nas paviestka praktyčna sfarmiravana. U 2020 hodzie źmianieńniaŭ pa Padatkovym kodeksie nie budzie. Upeŭniena, heta nadaść peŭnuju stabilnaść pracy jak inviestaraŭ, tak i biznesu, - raspaviała Tamara Krasoŭskaja.
Raniej rasijskaja hazieta «Kamiersant» apublikavała artykuł ab mahčymym častkovym abjadnańni ekanomik Rasii i Biełarusi z 1 studzienia 2021 hoda. Miarkujučy pa apublikavanych dadzienych, da kanca 2020 hoda płanujecca padrychtavać kroki pa realizacyi prahramy stvareńnia ahulnaha Padatkovaha kodeksa dźviuch krain.