U Biarozie stvorać adnu z najbujniejšych syrnych vytvorčaściej u krainie
«Savuškaŭ» zaviaršyŭ praces intehracyi ŭ svaju strukturu Biarozaŭskaha syrarobnaha kambinata. U maštabnuju madernizacyju ŭžo ŭkłali 20 miljonaŭ rubloŭ.
Rearhanizacyja AAT «Biarozaŭski syrarobny kambinat» zaviaršyłasia 1 kastryčnika. Jaho placoŭki ŭvajšli ŭ skład AAT «Savuškin pradukt» u jakaści vytvorčaha filijała kampanii ŭ Biarozie z vytvorčym cecham u Ivacevičach i vytvorčym filijałam u Ivanava.
Na Biarozaŭskim syrarobnym kambinacie ciapier madernizujuć klučavyja vytvorčaści. Rekanstrukcyju pačali z cecha pryjomki małaka, a paralelna pašyrajuć cechi pa vytvorčaści, vyzravańni i zachoŭvańni syroŭ. Vytvorčyja mahutnaści pavialičać i pa inšych napramkach.
U bližejšaj pierśpiektyvie ŭ Biarozie ŭstalujuć novuju liniju pa vytvorčaści syru, jakaja dazvolić naraścić abjomy vypusku da 100 ton u sutki. U vyniku heta stanie samaja bujnaja ŭ krainie vytvorčaść syroŭ
Nahadajem, «Savuškin pradukt» nabyŭ kantrolny pakiet AAT «Biarozaŭski syrarobny kambinat» vosieńniu minułaha hoda, paśla čaho pavialičyŭ svaju dolu.
