Va Ukrainie na adnym viasielli atrucilisia 50 haściej
U Čarnavickaj vobłaści Ukrainy adbyłosia masavaje atručeńnie, atrucilisia amal 60 čałaviek. Pra heta paviedamlaje RBK-Ukraina sa spasyłkaj na pres-słužbu palicyi Čarnavickaj vobłaści.
Paviedamlajecca, što ŭ aŭtorak nočču, 1 kastryčnika, da miedykaŭ pa dapamohu źviarnulisia 46 darosłych i 10 dziaciej z vostrym hastraenterakalitam niavyśvietlenaj etyjałohii.
«Pa stanie na 15:30 kolkaść tych, chto zachvareŭ, skłała 50 čałaviek. Siarod ich 9 niepaŭnaletnich va ŭzroście ad 5 da 15 hadoŭ. Usie paciarpiełyja 30 vieraśnia haściavali na viasielli ŭ adnym z restaranaŭ u pasiołku Puciła», — havorycca ŭ paviedamleńni.
Adznačajecca, što ciapier paciarpiełyja znachodziacca pad nahladam lekaraŭ. Ich stan stabilny, pahrozy žyćciu i zdaroŭju niama. Pa dadzienych faktach palicejskija pačali kryminalnuju vytvorčaść.
