Ryki Marcin i jaho muž čaćviorty raz stanuć baćkami
Puertarykanski pop-śpiavak i akcior Ryki Marcin abviaściŭ, što stanie baćkam u čaćviorty raz. Pra heta paviedamlaje Daily Mail.
Fota ź instahrama Ryki Marcina
Padčas uračystaj viačery amierykanskaj ŁHBT-arhanizacyi Human Rights Campaign artystu ŭručyli ŭznaharodu za abaronu pravoŭ hiejaŭ i dabračynnuju dziejnaść. U chodzie mierapryjemstva vykanaŭca raspavioŭ, što jon i mastak Džvan Juzef čakajuć dzicia ad surahatnaj maci.
«Maja siamja tut. Džvan, ja ciabie nie baču, ale moj muž Džvan, ja ciabie lublu. Maje vydatnyja dvajniaty Valancina i Matea taksama tut. Ja lublu vas usim sercam. Vy maja siła, vy natchniajecie mianie kožny dzień, vy matyvujecie mianie rabić toje, što ja rablu kožny dzień, i vy prosta cudoŭnyja dzieci. Vy nievierahodnyja. Ja lublu vas», — skazaŭ Marcin padčas vystupu.
«I, darečy, ja pavinien abjavić, što my ciažarnyja. My čakajem. Ja lublu vialikija siemji», — praciahnuŭ muzykant.
U minułym hodzie Ryki Marcin ažaniŭsia sa šviedskim mastakom kurdskaha pachodžańnia Džvanie Juzefie. Jany paznajomilisia ŭ 2016 hodzie, kali śpiavak šukaŭ tvory mastactva dla svajoj kalekcyi. Pastupova dziełavyja adnosiny pieraraśli ŭ asabistyja.
U žniŭni 2019 hoda artyst upieršyniu pakazaŭ fatahrafiju ich dački Lusii, narodžanaj ad surahatnaj maci.
U 2008-m Ryki Marcin staŭ baćkam dvuch bliźniataŭ Matea i Valancina, jakija taksama źjavilisia na śviet ad surahatnaj maci.
