Što ŭjaŭlajuć saboj ultrapremijalnyja pradukty LG Signature — padrabiazny ahlad
Kožny pradukt liniejki LG Signature aryjentavany na samy vysoki ŭzrovień kłopatu pra spažyŭca. LG Signature stała sinonimam jakaści, pieradavych technałohij i stylu. U asnovie brenda — majsterstva i addanaść inžynieraŭ i dyzajnieraŭ, jakija imknucca da daskanałaści. Patrabavalnyja spažyŭcy z usiaho śvietu ceniać ultrapremijalnyja pradukty LG Signature za ich elehantnaść, unikalnaść i nadziejnaść.
Pastajannaje raźvićcio technałohii i vysokija standarty dyzajnu
LG Signature prytrymlivajecca bieskampramisnaha padychodu ŭ raspracoŭcy praduktu, pieradajučy samu sutnaść pryłady pry stvareńni kožnaj ź ich. Jaskravy prykład — televizary brenda, jakija demanstrujuć estetyku ultratonkaha ekrana i pieradavyja technałohii pieradačy vyjavy.
Va ŭsich televizarach kampanii (pačynajučy ad sieryi G i jaje tonkich panelaŭ z zahartavanaha škła, jakija jak byccam zastyli ŭ pavietry, da sieryi W i nievierahodnaha dyzajnu pieršaha ŭ śviecie hnutkaha televizara, tonkaha, jak špalery) LG Signature vystupaje ŭ roli pieršaadkryvalnika i ŭ pracesie źmianiaje ŭsiu katehoryju tavaraŭ.
Uvasableńnie fiłasofii praduktu LG Signature ŭ elehantnaj formie možna nazirać u apošniaj madeli chaładzilnika brenda.
Funkcyja InstaView Door-in-Door padaŭžaje termin prydatnaści praduktaŭ charčavańnia za košt źmianšeńnia kolkaści adčynieńniaŭ dźviercaŭ chaładzilnika. Pavodle daśledavańnia pavodzinaŭ spažyŭcoŭ u ZŠA, praviedzienaha LG, siamja z čatyroch čałaviek adkryvaje dźviercy svajho chaładzilnika prykładna 66 raz na dzień. Ź ich 32 razy — biez asablivych pryčyn, što pryvodzić da značnaj straty chałodnaha pavietra. Inavacyjnaja funkcyja pamianšaje nieabchodnaść adkryvać dźviery: hładkaja lustranaja šklanaja piaredniaja panel chaładzilnika stanovicca prazrystaj paśla dvuch lohkich palapvańniaŭ i dazvalaje ŭbačyć, što znachodzicca ŭnutry.
Pralnaja mašyna LG Signature ź minimalisckim dyzajnam i ŭražlivymi charaktarystykami była stvorana dziakujučy namahańniam inžynieraŭ.
Dźviercy pralnaj mašyny z zahartavanaha čornaha škła raźmieščany pad vuhłom 17 hradusaŭ dla maksimalnaha kamfortu pry vykarystańni i vyhady sačeńnia za myćciom. Za idealna kruhłaj erhanamičnaj formaj dźviercy stajać paŭtara hoda napružanaj pracy i vyprabavańniaŭ, vynik jakich — spałučeńnie estetyčnaj daskanałaści i technałahičnaha tryumfu z fokusam na patreby čałavieka.
Niestarejučyja materyjały dla premijalnaha azdableńnia
LG Signature ćviorda prytrymlivajecca vykarystańnia materyjałaŭ premium-kłasa. Pakryćcio pralnaj mašyny LG Signature vykanana z kieramičnaj emali z ukrapinami farby, jakoje daje ŭstojlivaść da karozii i źjaŭleńnia plam. Dla jašče bolšaj tryvałaści pakryćcio nanosicca pry tempieratury kala 700°C, što prykładna ŭ čatyry razy vyšej, čym tempieratura, pry jakoj zapiakajecca zvyčajnaje pakryćcio z kieramičnaj emali.
Korpus chaładzilnika LG Signature vykanany ź nieržaviejučaj stali typu 304, jakaja dziakujučy svajoj tryvałaści časta vykarystoŭvajecca dla vyrabu kuchonnaj posudu vysokaha kłasa. Ustojlivaja da karozii nieržaviejučaja stal typu 304 i jaje mietaličny blask dadatkova abaronieny pakryćciom, jakoje praduchilaje źjaŭleńnie śladoŭ ad dotykaŭ rukami.
Vyraby, stvoranyja z kłopatam i dakładnaściu, praciahvajuć tradycyi
U adroźnieńnie ad bolšaści praduktaŭ, jakija vyrablajucca sa značnaj dolaj aŭtamatyzacyi, pradukty LG Signature stvarajucca ŭ abmiežavanych kolkaściach na fabrykach, dzie nadajuć bolš času kožnamu praduktu. Kali niekatoryja kampanii vyrablajuć bolš za 1000 pralnych mašyn u dzień, LG Signature abmiažoŭvaje vytvorčaść 25 adzinkami ŭ dzień. Chaładzilniki LG Signature taksama vypuskajucca ŭ kolkaści 25 adzinak u dzień na asobnaj vytvorčaj linii, kab zabiaśpiečyć najvyšejšuju jakaść, jakoj patrabuje brend i jaho prychilniki.
Kožny pradukt LG Signature pavinien adpaviadać strohim unutranym standartam, tamu jany prachodziać dbajnuju acenku i roznyja vyprabavańni. U paraŭnańni sa zvyčajnaj pralnaj mašynaj dla acenki pralnaj mašyny LG Signature vykarystoŭvajecca 61 dadatkovy kryteryj.
Paśla skrupuloznaj pravierki kožnaha kampanienta ŭsie pradukty LG Signature prachodziać praciahłaje vyprabavańnie jakaści. Ahulny test na daŭhaviečnaść televizara LG Signature doŭžycca 168 hadzin. Heta nieadjemnaja častka pracesu kantrolu jakaści, kali kožnaja pryłada prachodzić ceły šerah daśledavańniaŭ, uklučajučy doŭhaje prajhravańnie, šmatrazovaje ŭklučeńnie i vyklučeńnie, a taksama pieraklučeńnie kanałaŭ, — usio dla taho, kab harantavać pradukcyjnaść i daŭhaviečnaść. Na bolš poźnim etapie pravodziacca dadatkovyja vyprabavańni: kožny novy televizar źmiaščajecca va ŭmovy imitacyi prahladu, što słužyć dadatkovaj pravierkaj jakaści. Tolki pradukty, jakija adpaviadajuć strohim standartam LG Signature, vypuskajucca dla dalejšaj dystrybucyi i prodažu.
LG Signature prapanuje ekskluziŭnyja pradukty vysokaj jakaści i zabiaśpiečvaje spažyŭcoŭ, jakija šukajuć samaje lepšaje, ultrapremijalnymi rašeńniami dla raskošnaha ładu žyćcia. LG Signature — heta brend, u jakim «mastactva natchniaje technałohii, technałohii dapaŭniajuć mastactva», a słova «kampramis» pad zabaronaj.
