Vaviorka paprasiła žančynu vyratavać jaje paranienaje vavierčaniatka
U amierykanskim štacie Virdžynija vaviorka adviała žančynu da svajho paranienaha dziciaci. Pra heta piša Independent.
20 vieraśnia Cija Paŭeł patelefanavała ŭ palicyju horada Pułaski i paviedamiła pra heta. Pavodle jaje słoŭ, kala parku Kivanis da jaje padbiehła vaviorka i paciahnuła jaje za nahu. Žančyna pajšła za źviarkom i vyjaviła vavierčaniatka z paškodžanaj łapkaj.
Paŭeł zaŭvažyła, što niepadalok chavaŭsia kot, jaki ŭ luby momant moh napaści na vaviorak. Tady jana patelefanavała siabroŭcy i ŭ palicejski ŭčastak. Palicyja apracavała vavierčaniaci łapu i dapamahła žyviołam zabracca na dreva.
«Varta padziakavać Cii i jaje siabroŭcy Žaśmin! Kali b Cija nie prysłuchalisia da instynktu, usio mahło skončycca zusim pa-inšamu», — padkreślili pradstaŭniki palicyi Pułaski.