Alaksandr Druź vierniecca ŭ «Što? Dzie? Kali?» u nastupnym siezonie
Alaksandr Druź hulaje ŭ kamandzie Viktara Sidnieva (sprava).
Alaksandr Druź vierniecca ŭ kłub «Što? Dzie? Kali?» (ČHK) da kanca hoda, adnak hulać u hetym siezonie jon nie budzie, paviedamlajecca na sajcie kampanii «Hulnia-TB».
«Telekampanija «Hulnia-TB», uličvajučy pryniesienyja Alaksandram Druziom prabačeńni i ŭ suviazi z tym, što prajšło šmat času, pryniała rašeńnie ab viartańni Alaksandra Druzia ŭ kłub», — havorycca ŭ paviedamleńni.
Da kanca siezona ŭ kamandzie Viktara Sidnieva zamiest Druzia budzie hulać Ina Siamionava. «Alaksandr Druź budzie prysutničać na hulniach, ale ŭdzielničać u ich u hetym siezonie nie budzie. U nastupnym siezonie spadziajemsia jaho ŭbačyć za hulniavym stałom», — patłumačyli RBK ŭ pres-słužbie «Hulnia-TV».
«Pieršy kanał» adchiliŭ Alaksandra Druzia ad udziełu ŭ teleprahramie «Što? Dzie? Kali?» paśla taho, jak jaho abvinavaciŭ u podkupie Ilja Bier, hałoŭny redaktar «Chto choča stać miljanieram?». Pavodle jaho, mahistr ČHK paabiacaŭ padzialicca vyjhryšam ŭ abmien na zahadzia pradastaŭlenyja adkazy. U paćvierdžańnie svaich słoŭ Bier apublikavaŭ zapis razmovy.
