Kali ŭžo ŭklučać aciapleńnie? Chaładzina ž!
Pachaładańnie až da minusovaj tempieratury (naprykład, uviečary 20 vieraśnia ŭ Minsku było -0,2 hradusa) vyklikaje pytańnie: ci nie płanujecca ŭklučyć aciapleńnie ŭžo ciapier?
U pres-słužbie Minharvykankama ahienctvu «Minsk-Naviny» paviedamili, što jość techničnaja mahčymaść uklučyć aciapleńnie choć zaraz.
Ale ŭłady praciahvajuć manitoryć tempieraturu pavietra, bo treba, kab jana pratrymałasia na peŭnym uzroŭni.
Praviły raniejšyja: u miedycynskich ustanovach, ustanovach sacyjalnaha zabieśpiačeńnia, škołach i daškolnych ustanovach, muziejach, dziaržaŭnych archivach i biblijatekach uklučać aciapleńnie, kali na praciahu piaci sutak budzie tempieratura nie vyšej za +10 hradusaŭ.
A voś u kvaterach uklučać, kali na praciahu piaci sutak budzie +8 hradusaŭ i nižej.
Jak raspaviali ŭ Biełhidramiecie, na hetym tydni siaredniasutačnaja tempieratura ŭ Minsku była nastupnaja:
- 16 vieraśnia — 14,3°S
- 17 vieraśnia — 10,9 ° S
- 18 vieraśnia — 7,9 ° S
- 19 vieraśnia — 8,6 ° S.
Značycca, padstavaŭ da ŭklučeńnia aciapleńnie pakul niama.