Piłot katapultavaŭsia i pavis na vysakavoltnym drocie z napruhaj u 250 000 volt
U Francyi raźbiŭsia bielhijski źniščalnik F-16. Abodva piłoty paśpieli katapultavacca, ale parašut adnaho ź ich zabłytaŭsia ŭ dratach vysakavoltnaj linii elektrapieradačy, na jakich jon pravisieŭ niekatory čas, piša bbc.com.
Niezadoŭha da padzieńnia źniščalnik taksama začapiŭ dach adnaho z damoŭ. Abodva piłoty atrymali niaznačnyja paškodžańni.
Kab vyratavać piłota, jaki visieŭ na dratach, spatrebiłasia kala dvuch hadzin. Miascovyja ŚMI pišuć, što napružańnie linii siahaje za 250 000 volt.
Samalot vylecieŭ ź bielhijskaj pravincyi Namiur ŭ kirunku francuzskaj bazy Łarjan, jakaja znachodzicca prykładna za 30 kiłamietraŭ ad miesca, dzie źniščalnik raźbiŭsia.
Piłot pravisieŭ kala dvuch hadzin, pakul adklučyli napružańnie.
Abodvuch piłotaŭ užo ahledzieli ŭ balnicy i vypisali. Adzin ź ich raspavioŭ, što padčas palotu ŭ samalocie ŭźnikli prablemy z ruchavikom.
