Chłopiec u Lachavickim rajonie kamieniem raźbiŭ škło ŭ mašynie, što prajazdžała pobač, tamu što jaho nie zachacieli padvieźci
Žychar vioski Końki razam z dvuma tavaryšami adpačyvaŭ u Lachavičach. Maładyja ludzi raśpivali ałkahol. U niejki momant jany vyrašyli złavić spadarožnuju mašynu da svajoj vioski. Praŭda, niaŭdała. Kali na haryzoncie pakazaŭsia Chrysler Grand Voyager, małady čałaviek u čarhovy raz pasprabavaŭ złavić mašynu. Mašyna nie tarmaziła, i pakryŭdžany mužčyna kinuŭ u jaje bok kamień, raźbiŭ škło. Kiroŭca vyklikaŭ milicyju, a aŭtastopščyki paśpieli schavacca, paviedamlaje milicyja.
Nieŭzabavie parušalnika zatrymali. Jon byŭ zasmučany tym, što ni adzin z kiroŭcaŭ nie spyniaŭsia, tamu praz prystup złości kinuŭ kamień u aŭtamabil. Zaviali kryminalnuju spravu pa artykule «chulihanstva». Jamu moža pahražać da 6 hadoŭ pazbaŭleńnia voli. Akramia hetaha, chłopcu daviadziecca pakryć škodu ŭ pamiery bolš za 100 rubloŭ.
