Pientahon nazvaŭ vierahodnych vykanaŭcaŭ ataki na Saudi Aramco
Najbolš vierahodnym vykanaŭcam ataki bieśpiłotnikaŭ na infrastrukturu naftavaj kampanii Saudi Aramco źjaŭlajecca Iran abo padtrymanyja im siły, zajaviŭ staršynia abjadnanaha kamiteta načalnikaŭ štaboŭ ZŠA hienierał Džozef Danfard, piša rbc.ru.
«Nie zabiahajučy napierad rasśledavańnia, jakoje viadzie Saudaŭskaja Aravija, ja miarkuju, što heta razumnaja vysnova», — skazaŭ Danfard. Hienierał nazvaŭ ataku «vielmi składanaj i dakładnaj», adznačyŭšy, što jana nie adpaviadaje raniejšym napadam chusitaŭ.
Danfard taksama paviedamiŭ, što ZŠA adpravili ŭ Iran hrupu kryminalistaŭ dla dapamohi ŭ «acency ataki» na infrastrukturu Saudi Aramco.
U noč na 14 vieraśnia dziesiać dronaŭ atakavali infrastrukturu saudaŭskaj naftavaj kampanii Saudi Aramco, z-za čaho na dvuch abjektach kampanii adbylisia bujnyja pažary. Adkaznaść za ataku ŭziali paŭstancy-chusity z ruchu «Ansar Ałach». Paśla napadu Saudaŭskaja Aravija skaraciła zdabyču nafty, i ceny na naftu marak Brent i WTI vyraśli.
