Viaskoŭka pravodziła viečar z mužčynam u chlavie i zaprasiła tudy svajho sužyciela. Skončyłasia ŭsio drenna
Jak paviedamlaje bobr.by, incydent adbyŭsia ŭ chlavie, što znachodzicca pablizu adnoj z chat pasiołka Tuholica Babrujskaha rajona, u lipieni 2018 hoda.
Volha pravodziła tam čas ź Viktaram. Ź jaho mabilnaha telefona patelefanavała na chatni svajmu sužycielu Dźmitryju. Jamu jana raspaviała, dzie znachodzicca, i zaprasiła pryjści.
U chlavie mužčyna vyjaviŭ padpiŭšuju paru, praz reŭnaść pačaŭsia vostry kanflikt. Svaju sužycielku Dźmitryj vyhnaŭ, a voś ź Viktaram vyrašyŭ pakvitacca. Pabiŭ jaho rukami i nahami, złamaŭ rebry, paškodziŭ lohkija, pakinuŭ mnostva siniakoŭ.
Pra zdareńnie Viktar raspavioŭ svajoj sužycielcy, kali viarnuŭsia dadomu.
Abvinavačanamu pryznačana pakarańnie ŭ vyhladzie pazbaŭleńnia voli terminam na 4 hady ŭ papraŭčaj kałonii va ŭmovach uzmocnienaha režymu.