Kiraŭnika «Sputnik Małdova» zatrymali pa spravie ab kradziažy miljarda dalaraŭ
Supracoŭniki nacyjanalnaha centra Małdovy pa baraćbie z karupcyjaj zatrymali 17 vieraśnia kiraŭnika infarmacyjnaha ahienctva Sputnik Moldova Uładzimira Novasadziuka, paviedamlaje Interfaks.
Jak zajavili «Interfaksu» ŭ pres-słužbie viedamstva, Novasadziuk padazrajecca ŭ dačynieńni da dziejańniaŭ hrupy asob, jakija pryviali da kradziažu adnaho miljarda dalaraŭ z bankaŭskaj sistemy Małdovy.
U ciapierašni čas zatrymany daje pakazańni śledčym.
Taksama stała viadoma, što pry vobšuku ŭ Novasadziuka znajšli «čornuju kasu», dzie ŭkazana, jakija sumy ad pradstaŭnikoŭ i struktur pradprymalnika Iłana Šora kiraŭnik Sputnik Małdova atrymaŭ u jakaści apłaty za zaprašeńnie ŭ efiry i publikacyju mierkavańniaŭ «palitołahaŭ» i «ekśpiertaŭ», jakija padtrymlivali Dempartyju. Novasadziuk pajšoŭ na supracoŭnictva sa śledstvam i daje pakazańni.
Napiaredadni na 72 hadziny byli zatrymanyja dvoje deputataŭ parłamienta Małdovy ad frakcyi partyi «Šora» Maryna Taŭbier i Rehina Apostałava. Raniej ź ich źniali deputackuju niedatykalnaść.
U 2014 hodzie z troch małdoŭskich bankaŭ było niezakonna vyviedziena za miažu kala 1 młrd dalaraŭ, što składała bolš za 20% VUP Małdovy. U červieni 2017 hoda Iłan Šor byŭ prysudžany da 7,5 hoda turemnaha źniavoleńnia, ale jon da hetaha času zastajecca na voli, bo rašeńnie suda ŭstupaje ŭ siłu paśla razhladu ŭ Apielacyjnaj pałacie.
