Vitaŭt Druhi: «Biełkamunmaš» raspracavaŭ pravarulny aŭtobus
Pieršy ŭ SND pravarulny elektrobus raspracavaŭ «Biełkamunmaš». Pra heta žurnalistam paviedamiŭ namieśnik hałoŭnaha kanstruktara pa novaj technicy pradpryjemstva Siarhiej Čystoŭ, piša BiełTA.
«Kuzaŭ maksimalna ŭnifikavany dla nastupnaj vytvorčaści, kab možna było kanfihuravać pravy ci levy rul pavodle patrabavańniaŭ zakazčyka. Kancepcyja anałahičnaja minskim elektrobusam z chutkaj zaradkaj na kaniečnych prypynačnych punktach. 12-mietrovaja mašyna prabiahaje siaredniestatystyčny maršrut u 20 km, dalej na praciahu 8 chvilin adbyvajecca jaho zaradka i vypusk na liniju. Takaja kancepcyja dazvalaje hnutka farmavać infrastrukturu zaradnych stancyj va ŭmovach starych haradoŭ», — skazaŭ Siarhiej Čystoŭ.
Elektrobus budzie prezientavany na vystavie aŭtobusaŭ, jakaja adbudziecca 2—3 kastryčnika ŭ Birminhiemie. «My pravodzili pieramovy ŭ Mančestery i Notynhiemie i bačym zacikaŭlenaść pieravozčykaŭ i kiraŭnictva haradoŭ u elektryčnym transparcie. U dalejšym płanujem ekspłuatavać hety elektrobus va ŭmovach horada Notynhiem», — adznačyŭ namieśnik hałoŭnaha kanstruktara.
Akramia taho, ciapier «Biełkamunmaš» viadzie pieramovy z brytanskim vytvorcam transpartnych srodkaŭ pa sumiesnaj łakalizacyi vytvorčaści i dalejšym prasoŭvańni elektrobusaŭ na rynki inšych krain Sadružnaści nacyj: Barbadosa, Malty, Kipra.
