U Stolinskim rajonie znoŭ vialiki lasny pažar. Jaho likviduje avijacyja

Avijacyja MNS likviduje pažar na Stolinščynie, viertaloty ŭžo bolš za 10 razoŭ skinuli vadu na połymia. Pra heta paviedamlaje MNS.

Stolinskim vyratavalnikam dniom 16 vieraśnia pastupiła paviedamleńnie ab tym, što ŭ lasnym masivie kala vioski Almany pobač z ŭročyščam «Kopišča» nazirajecca dym. Pažar zaŭvažyli va ŭhodździach Rubielskaha laśnictva Paleskaha lashasa — za 10 km na ŭschod ad vioski Almany.

U čas manitorynhu z dapamohaj avijacyi MNS ustanoŭlena, što harać trava i chmyźniak u bałocistaj miascovaści z rucham pažaru na ŭschod. Dla tušeńnia da miesca vylecieli viertaloty Mi-8 i Mi-26 MNS, jakija 12 raz skinuli vadu. Da miesca pažaru byli nakiravany siły i srodki Paleskaha lashasa i Stolinskaha rajonnaha adździeła MNS.

Naziemnaje tušeńnie abciažarana adsutnaściu padjaznych šlachoŭ i zabałočanaj miascovaściu. Projdzienaja frontam pažaru płošča składaje aryjencirovačna 75 ha. Pa stanie na 8.00 raboty pa tušeńniu praciahvajucca, viadziecca avijacyjny manitorynh stanovišča.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0