U siecivie źjaviŭsia virus-vymahalnik, jaki maskirujecca ŭ listach ad zahadkavaj nieznajomki
Ašukancy razasłali karystalnikam sieciva niebiaśpiečnyja elektronnyja listy, jakija źmiaščajuć virus. Jak paviedamlaje BleepingComputer, pasłańni maskirujucca pad zajavy ab pryjomie na pracu, piša lenta.ru.
Adpraŭnikom listoŭ značycca niejkaja Jeva Rychter (Eva Richter), u liście — fatahrafii i reziume. Apošniaje zamaskiravana pad PDF unutry zip-archiva, ale na samoj spravie źjaŭlajecca niebiaśpiečnym fajłam. U liście chavajecca prahramnaje zabieśpiačeńnie Ordinypt Wiper, jakoje šyfruje fajły na kampjutary achviary, a zatym patrabuje ad juzara vykup za ich.
Pavodle achviaraŭ, ašukancy patrabujuć amal 0,15 bitkoina (bolš za 1,5 tysiačy dalaraŭ). Ekśpierty papiaredzili, što apłata sumy nie harantuje dešyfroŭki: jak praviła, fajły pierazapisvalisia znoŭ. Niebiaśpiečnaja kampanija pačałasia 11 vieraśnia 2019 hoda i skiravanaja ŭ asnoŭnym na žycharoŭ Hiermanii.
Raniej stała viadoma ab novym virusie, jaki atrymaŭ imia Joker. Jon chavaŭsia ŭ lehalnych prykładańniach na Android. Trajan źbiraŭ źviestki pra pryłady, a taksama kapijavaŭ paviedamleńni i śpis kantaktaŭ karystalnikaŭ.