Były rasijski ministr Sierdziukoŭ i jaho kachanka-karupcyjanierka sudzilisia za dzicia ad surahatnaj maci
Eks-ministr abarony Rasii i jaho byłaja pamočnica — napeŭna, samaja hučnaja ramantyčnaja historyja z žyćcia rasijskich čynoŭnikaŭ. Tam było ŭsio: skandały, sudy, kałonija i sapraŭdnaja historyja kachańnia.
Eks-ministr abarony Rasii Anatol Sierdziukoŭ i jaho padnačalenaja Jaŭhienija Vasiljeva ŭ listapadzie 2012 hoda trapili ŭ karupcyjny skandał. Tady ich zatrymali pa padazreńni ŭ arhanizavanym machlarstvie i kradziažy dziaržaŭnaj majomaści na sumu bolš za 10 miljonaŭ dalaraŭ. Skandał staŭ pryčynaj adstaŭki Sierdziukova. Jon staŭ fihurantam kryminalnaj spravy, ale trapiŭ pad amnistyju, a voś Vasiljevu pryznali vinavataj u machlarstvie, ale chutka vypuścili z turmy. Letaś u lipieni stała viadoma pra viasielle Sierdziukova i Vasiljevaj.
Ciapier voś źjavilisia dzieci: para ŭsynaviła dvuch chłopcaŭ, jašče adnaho im naradziła surahatnaja maci. Sajt mash.ru raskazvaje, ź jakimi ciažkaściami sutyknułasia para.
Siońnia Jaŭhienija Vasiljeva — maci traich dziaciej: trochhadovaha Mikałaja, dvuchhadovaj Taćciany i niemaŭlaci, narodžanaha surahatnaj maci. I, samaje niezvyčajnaje, proźvišča dzietak — Vasiljevy, a nie Sierdziukovy, jak možna było čakać. Ale imia pa baćku im pakinuli ŭ honar Anatola. Starejšaje dzicia — Vasiljeŭ Mikałaj Anatoljevič — naradziłasia 16 žniŭnia 2016 hoda. Dziaŭčynka — Vasiljeva Taćciana Anatoljeŭna — krychu maładziejšaja, naradziłasia 10 studzienia 2017-ha. Apošniaje dzicia naradziłasia sioleta.
Adnak maciarynstva nie dałosia Vasiljevaj lohka. ZAHS admoviŭsia rehistravać jaje jak maci surahatnaha dziciaci. Akazałasia, što praviły ŭstanovy nie praduhledžvali takoha paniaćcia. Vasiljevaj pryjšłosia iści ŭ sud. Adkazčyki ŭ asobie ZAHSa i kampanii «Śvitčajłd» (jany znajšli fizijałahičnuju maci dziciaci) prajhrali. Ciapier Vasiljeva źjaŭlajecca aficyjnaj maci ŭsich traich dziaciej.
