Krynicy: Smalankoŭ mieŭ dostup da ŭsich dakumientaŭ, što tyčacca rasijskaj abaronki
Aleh Smalankoŭ. Fota, apublikavanaje telekanałam RTVI.
Rasijskija tielehram-kanały pieradajuć, što rassakrečany amierykancami ich rasijski top-ahient Aleh Smalankoŭ vykonvaŭ, akramia funkcyj staršaha pamočnika Juryja Ušakova, daradcy Uładzimira Pucina, jašče i abaviazki refierenta Vajskova-pramysłovaj kamisii Rasijskaj Fiederacyi. Heta značyć, što jon mieŭ dostup amal da ŭsich dakumientaŭ, što tyčacca dziejnaści rasiejskaj abaronnaj haliny.
Akramia taho, jaho vysoki ranh, adpaviedny hienieralskamu zvańniu, i važnyja funkcyi ŭ Maskvie dajuć padstavy mierkavać, što i ŭ čas svajoj pracy ŭ rasijskaj ambasadzie ŭ Vašynhtonie jon vykonvaŭ funkcyi dalokija ad prosta zahadčyka haspadarki, jaki zakuplaje tavary dla pasolskaj kramy.
Smalankoŭ źbieh u ZŠA razam ź siamjoj padčas adpačynku ŭ Čarnahoryi ŭ 2017 hodzie. Amierykancy kupili jamu šykoŭny dom u rajonie Vašynhtona. Tolki u 2019 hodzie jaho novaje znachodžańnie raskryli amierykanskija ŚMI. Zaraz, vierahodna, jon budzie žyć u novym miescy pad vydumanym imiem.
