U ZŠA rassakrecili infarmacyju pra ptušak-špijonaŭ časoŭ chałodnaj vajny
CRU rassakreciła detali svaich apieracyj z hałubami časoŭ chałodnaj vajny, piša BBC.
Hałuboŭ treniravali dla sakretnych misij, źviazanych z fatahrafavańniem abjektaŭ na terytoryi SSSR. U 1970-ja hady ŭ chodzie apieracyi śpiecsłužby vyvučali mahčymaść zamacavańnia nievialikich kamier, jakija aŭtamatyčna robiać zdymki, na ptuškach. Takija fatahrafii byli bolš jakasnymi, čym spadarožnikavyja.
Da 1967 hoda CRU traciła na prahramy z udziełam ptušak, delfinaŭ, sabak i katoŭ bolš za 600 tysiač dalaraŭ. Hałuby lepš za ŭsio padychodzili dla špijonskich misij, tamu što mahli znachodzić darohu dadomu. U koškach sprabavali raźmiaščać pryłady dla prasłuchoŭvańnia, a nad delfinami stavili ekśpierymienty z pošukam śladoŭ radyjeaktyŭnaj abo bijałahičnaj zbroi.
Pa šerahu techničnych i inšych pryčyn ni adna z prahram tak i nie była realizavana.
