U Biełarusi vypuścili «Aerafłockaje» maroziva
«Santa Bremar» razam z fabrykaj «Spartak» vypuścili maroziva «Jukki Aerafłockaje». Niezvyčajnaje eskimo sa zdroblenymi cukierkami ŭžo źjaviłasia ŭ praduktovych kramach Biełarusi.
Navinka ŭjaŭlaje saboj šakaładny płambir z dadavańniem u hłazuru zdroblenych cukierak «Aerafłockija». Dyzajn upakoŭki zachoŭvaje pierajemnaść z abhortkaj adnajmiennaj papularnaj cukierki ź siłuetam samalota na sinim fonie.
Eskimo stvorana pa licenzijnaj damovie z kandytarskaj fabrykaj «Spartak». Supracoŭnictva praduhledžvaje ŭzajemny kamiercyjny intares: homielskaja fabryka dazvalaje vykarystoŭvać viadomy brend, a brescki vytvorca zakuplaje ŭ jaje cukierki dla vyrabu marožanaha.
«Jukki Aerafłockaje» dapoŭniła papularnuju sieryju maroziva, u jakuju ŭvachodziać «Maja Alonka», «Karoŭka», «Ptušynaje małako», «Trufiel» i «Słodyč».
