Bjorndalen staŭ hałoŭnym trenieram zbornaj Kitaja, Domračava — trenieram žanočaj kamandy
Lehiendarnyja bijatłanisty Darja Domračava i Ule Ejnar Bjorndalen padpisali kantrakt z Nacyjanalnym alimpijskim kamitetam Kitaja i buduć rychtavać zbornuju hetaj krainy da chatnich zimovych Hulniaŭ 2022 hoda ŭ Piekinie, paviedamlaje NAK.
Vaśmirazovy alimpijski čempijon pryznaŭsia, što rady supracoŭnictvu.
— My rady abjavić ab pačatku supracoŭnictva z nacyjanalnaj kamandaj Kitaja pa bijatłonie. Heta maładaja kamanda z vysokim patencyjałam raźvićcia. My pačynajem treniravalny praces, i ščaślivyja z Darjaj padzialicca svaim šmathadovym vopytam u hetym vidzie sportu z kitajskimi atletami, - adznačyŭ Bjorndalen.
Ule Ejnar Bjorndalen zaniaŭ pasadu hałoŭnaha treniera zbornaj Kitaja, a Darja Domračava budzie rychtavać žanočuju kamandu.
Biełaruskaja bijatłanistka taksama prakamientavała pryznačeńnie.
— Viadoma, my ščaślivyja vykarystoŭvać hety šaniec i raźvivać naš lubimy vid sportu va ŭsim śviecie, a taksama ŭ krainach, dzie zimovyja vidy sportu majuć vysoki patencyjał dla raźvićcia, — skazała Darja Domračava.