ZŠA adkłali čarhovy etap handlovaj vajny z Kitajem
Ułady ZŠA pa prośbie Piekina pahadzilisia na dva tydni adkłaści pavyšeńnie z 25% da 30% mytaŭ na tavary z Kitaja koštam $ 250 młrd. Paviedamleńnie pra heta Donald Tramp apublikavaŭ u sieradu na svajoj staroncy ŭ Twitter.
Heta adbyłosia «pa prośbie vice-premjera Dziaržsavieta KNR Lu Che, a taksama ŭ suviazi z tym, što 1 kastryčnika KNR budzie adznačać 70-ju hadavinu zasnavańnia», - napisaŭ amierykanski lidar.
1 vieraśnia ZŠA ŭviali dadatkovyja myty ŭ pamiery 15% na tavary z KNR koštam $ 112 młrd. Tramp adznačaŭ, što adnoj z pryčyn pryniaćcia hetaj miery stała nievykanańnie Kitajem abiacańni pavialičyć zakupki amierykanskaj sielhaspradukcyi. Druhaja častka zboraŭ ŭstupić u siłu 15 śniežnia. Kitaj u adkaz uvioŭ pieršuju častku dadatkovych mytaŭ u 10% na amierykanskuju pradukcyju abjomam $ 75 młrd. Dadatkovyja zbory ŭ 5% na impart z ZŠA buduć uviedzienyja 15 śniežnia. U toj ža dzień KNR taksama ŭstaluje dadatkovyja myty ŭ 25% i 5% adpaviedna na amierykanskija aŭtamabili i zapčastki.
Raniej Tramp zajaŭlaŭ, što ad 1 kastryčnika tavary z Kitaja na $ 250 młrd buduć abkładacca mytami ŭ 30%, a nie 25%, jak ciapier.