Rasijskaja Duma pravieryć, ci nie vierbavali Navalnaha zachodnija śpiecsłužby

Śpikier rasijskaj Dziaržaŭnaj dumy Viačasłaŭ Vałodzin pahadziŭsia z prapanovaj Uładzimira Žyrynoŭskaha pravieryć, ci nie vierbavali zamiežnyja śpiecsłužby apazicyjanieraŭ Alaksieja Navalnaha i Luboŭ Sobal. Jon daručyŭ zaniacca hetym pytańniem dumskaj kamisii pa rasśledavańni ŭmiašańnia ŭ spravy Rasii, piša TASS.

Z abvinavačvańniami na adras Navalnaha i Sobal vystupiŭ Uładzimir Žyrynoŭski. Pavodle jaho słoŭ, Navalny byŭ zavierbavany amierykanskimi śpiecsłužbami ŭ pieryjad vučoby ŭ Jelskim univiersitecie.

«Davajcie daručym kamisii, kab vyvučyła ŭsie hetyja pytańni. Vy kazali pra toje, što Navalny zavierbavany ŭ Jelskim univiersitecie. Niachaj kamisija raźbiarecca, — prapanavaŭ Vałodzin. — Niachaj z hetaj Lubaj [Sobal] raźbiarecca kamisija».

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0