Va ŭkrainskim Roŭnie adkryli pamiatnuju došku ŭ honar pieramohi vojska VKŁ pad Oršaj FOTA
U Roŭnie, abłasnym centry Ukrainy, u piešachodnaj zonie vulicy Sabornaj ustalavali došku z nahody 505-j hadaviny pieramohi vojska Vialikaha Kniastva Litoŭskaha pad Oršaj, piša Radyjo Svaboda.
Doška ŭmuravanaja ŭ darohu prosta na tym miescy, dzie, pavodle historykaŭ, niekali znachodziłasia Astrožskaja brama, praź jakuju kniaź Kanstancin Astrožski zajaždžaŭ ŭ Roŭna. Ciapier tut staić handlovy centar.
Na došcy napisana: «08.09.1514. Pieramoha kniazia K. Astroskaha ŭ bitvie pad Oršaj».
Inicyjataram śviatkavańnia ŭhodkaŭ Aršanskaj bitvy vystupiła miascovaja hramadzkaja arhanizacyja «Słava kniazioŭ Astrožskich», jakuju padtrymali i haradskija ŭłady.
«Treba, kab moładź vychoŭvałasia na niečym pazytyŭnym, na tym, čym možna hanarycca. Heta takaja doška «spatyknieńnia», bo treba, kab usie viedali, što była takaja bitva, u jakoj my pieramahli, i, napeŭna, nie apošni raz», — skazaŭ mer Roŭna Uładzimir Chamko na adkryćci doški.