U balnicy pamierła 20-hadovaja mama, jakoj zacisnuła šyju škłopadjomnikam u aŭtamabili
7 vieraśnia ŭ reanimacyjnym adździaleńni bresckaj balnicy pamierła 20-hadovaja žycharka Žabinki, jakoj zacisnuła šyju škłopadjomnikam aŭtamabila, paviedamiŭ TUT.BY aficyjny pradstaŭnik upraŭleńnia SK pa Bresckaj vobłaści Dźmitryj Ivaniuk.
31 žniŭnia žančyna razam ź siamjoj byli ŭ znajomych u vioscy Staroje Siało. Prykładna ŭ 16.30 jaje biez prytomnaści, zacisnutaj škłopadjomnikam levych dźviarej aŭtamabila, znajšoŭ muž. Jon raźbiŭ škło i vyklikaŭ chutkuju.
Pavodle papiarednich źviestak, žančyna pasprabavała dastać dvuchhadovuju dačku z sałona aŭtamabila praz adkrytaje akno. U hety momant, jak miarkujecca, dziaŭčynka vypadkova nacisnuła na knopku škłopadjomnika.
Pravierku pa fakcie śmierci žančyny pravodzić SK. Pryznačana sudova-miedycynskaja ekśpiertyza.
