Alimpijski čempijon Anton Kušnir staŭ trenieram zbornaj Kazachstana
Novym trenieram-kansultantam nacyjanalnaj kamandy Kazachstana pa frystajle staŭ alimpijski čempijon zbornaj Biełarusi Anton Kušnir, jaki vyrašyŭ zaviaršyć karjeru, piša Tut.by
U intervju Olympic.kz Kušnir prakamientavaŭ svajo rašeńnie dapamahać kazachstanskim spartsmienam i trenieram, a taksama ahučyŭ, što pastupova asvojvajecca ŭ krainie.
«Možna skazać, što trenierskaja dziejnaść była i jość pierśpiektyvaj dla kožnaha spartsmiena i ja nie źjaŭlajusia ŭ hetym vyklučeńniem. Prapanova pracavać u vašaj kamandzie było atrymana ŭ kancy minułaha siezonu. I supała z tym, što ja praciahły čas zadumvaŭsia nad zaviaršeńniem svajoj karjery. Pra heta ŭ mianie byli dumki kožny hod. I ŭ kancy siezonu ja pahavaryŭ z trenieram kamandy Biełarusi, vyrašyŭ zaviaršyć karjeru i pryniaŭ prapanovu ad Kazachstana»
