15-hadovaja dziaŭčyna z Hrodna, jakaja z chłopcam chavałasia ŭ lesie pad Bierastavicaj, znoŭ źbiehła z domu
Milicyja znoŭ šukaje 15-hadovuju žycharku Hrodna Dzijanu Kavalovu. Učora jana syšła z kvatery pa miescy žycharstva i da hetaha času nie viarnułasia, piša S13.
Nahadajem, u pieršy raz jana źbiehła z domu 19 žniŭnia razam sa svaim 17-hadovym chłopcam. 28 žniŭnia vyšuk spynili. Jana chavałasia ŭ lesie sa svaim chłopcam u Bierastavickim rajonie kala vioski Mahilany i nie žadała viartacca dadomu. Tam jany zrabili budan, z saboj uziali zapas adzieńnia i ježy. Pakul jany chavalisia, ich aktyŭna šukali.
Niepaŭnaletniuju pieradali maci zdarovaj i cełaj. Ale niešta znoŭ pajšło nie tak.
Prykmiety: vyhladaje na 15-18 hadoŭ, 165-170 sm, chudarlavaja, vočy błakitnyja, vałasy rusyja z ružovym adlivam, da plačej. Była apranutaja: biełaja majka ŭ ciomnyja kvietački, śvietłaja spadnica z materyi, biełyja krasoŭki.