Byłoha milicyjanta z Homiela asudzili na 4,5 hoda kałonii
Sud Centralnaha rajona Homiela vynies rašeńnie pa kryminalnaj spravie Bahdana Maściča. Były milicyjant abvinavačvaŭsia ŭ chulihanstvie, pieravyšeńni ŭłady, biaździejańni słužbovaj asoby i źniščeńni dakumienta, piša Radyjo Svaboda.
Sudździa Alesia Vosipava pryznała Bahdana Maściča vinavatym u złačynstvach pa ŭsich artykułach i pakarała jaho pazbaŭleńniem voli na čatyry z pałovaj hady pazbaŭleńnia voli ŭ kałonii ahulnaha režymu.
Rašeńnie suda možna abskardzić ci apratestavać u 10-dzionny termin.
Prysud byŭ vyniesieny ŭ dzień naradžeńnia abvinavačanaha — siońnia jamu spoŭniłasia 27 hadoŭ.
Bahdan Maścič pracavaŭ u adździele baraćby z ekanamičnymi złačynstvami Centralnaha RAUS. Za čas pracy, pavodle jahonych baćkoŭ, mieŭ 40 uznaharod i padziak. Na sudzie abvinavačany prezientavaŭ siabie jak dobraha supracoŭnika, jaki raskryŭ bieźlič złačynstvaŭ. Abvinavačańni ŭ chulihanstvie, pieravyšeńni ŭłady, biaździejańni, kradziažy, źniščeńni ci ŭtojvańni aficyjnych dakumientaŭ, štampaŭ, piačatak jon ličyć sfalsifikavanymi.
U čas vystupu na sudzie Maścič zajaviŭ, što meta kryminalnaj spravy — «pramaja izalacyja» jaho «dla praduchileńnia raspaŭsiudžvańnia faktaŭ złačynnaj dziejnaści niekatorych słužbovych asobaŭ».
Baćki Bahdana Maściča śćviardžajuć, što ichny syn mieŭ kanflikt z kiraŭnictvam Centralnaha RAUS, jaho prymusili adtul zvolnicca, a kryminalnyja spravy — pomsta «niaŭhodnamu» supracoŭniku.
