U Łatvii kramu brenda repiera Cimaci prymusili źniać z prodažu adzieńnie z vyjavaj Pucina
Słužba dziaržbiaśpieki Łatvii pačała pravierku kramy Black Star Wear u Ryzie z-za adziežy z vyjavaj prezidenta Rasii Uładzimira Pucina Pra heta paviedamlaje Delfi.
Vydańnie adznačaje, što raniej mnohija žychary Łatvii ŭ sacyjalnych sietkach aburylisia, što ŭ Black Star Wear pradajecca adzieńnie z «kramloŭskaj» tematykaj. Black Star Wear — krama brenda rasijskaha repiera Cimaci.
Lidar Nacyjanalnaha abjadnańnia Rajvis Dzintars paprasiŭ kiraŭnika Słužby dziaržbiaśpieki acanić situacyju. Jon paprasiŭ vyśvietlić, ci nie źjaŭlajecca adzieńnie pahrozaj nacbiaśpieki i ci možna ličyć rasiejskuju vajskovuju simvoliku zaklikam vyrašać prablemy z dapamohaj siły.
U Słužbie dziaržbiaśpieki zajavili, što padobnaje adzieńnie źviazana sa sprobami Kramla prapahandavać svoj palityčny kurs i pavialičvać svoj upłyŭ u inšych krainach. U viedamstvie zaklikali kiraŭnictva handlovaha centra bolš uvažliva vybirać, ź jakimi pradaŭcami supracoŭničać.
Kampanija Linstow Center Management, što kiruje ryžskimi handlovymi centrami, paprasiła mahazin prybrać z prodažu adziežu z vyjavami Pucina, a taksama na tematyku Uzbrojenych sił Rasii i rasijskaha ściaha.
