Za prodaž elektronnych cyharet niepaŭnaletnim buduć štrafavać
Deputaty Pałaty pradstaŭnikoŭ rychtujuć da pieršaha čytańnia zakonaprajekt «Ab źmianieńni kodeksaŭ pa pytańniach administracyjnaj adkaznaści». Karekciroŭka treba budzie Kodeksu ab administracyjnych pravaparušeńniach i Pracesualna-vykanaŭčamu kodeksu ab administracyjnych pravaparušeńniach.
U pryvatnaści, KaAP dapoŭniać normaj ab adkaznaści za prodaž niepaŭnaletnim elektronnych cyharet, paviedamiŭ BiełTA namieśnik staršyni Pastajannaj kamisii pa pracy i sacyjalnych pytańniach Aleh Leŭšunoŭ.
Jon raspavioŭ, što źmieny ŭnosiacca ŭ art. 12.17 KaAP (parušeńnie praviłaŭ handlu, jakoje vyjaviłasia ŭ prodažy ałkaholnych, słabaałkaholnych napojaŭ ci piva niepaŭnaletnim).
Adpaviedna skarektavany art. 12.26 KaAP (parušeńnie indyvidualnym pradprymalnikam abo słužbovaj asobaj jurydyčnaj asoby vyznačanaha paradku realizacyi tytuniovych vyrabaŭ).
Sankcyi abodvuch artykułaŭ praduhledžvajuć štraf ad 20 da 50 bazavych vieličyń (adna bazavaja zaraz roŭnaja Br25,5).
