Navukoŭcy: u tyranazaŭra ŭ hałavie byŭ «kandycyjanier»
U tyranazaŭra reksa (Tyrannosaurus rex), bujnoha i aktyŭnaha drapiežnika, byŭ adzin surjozny niedachop: jon mocna pierahravaŭsia. Kab spraŭlacca z hetym, u jaho ŭ čerapie byli 2 bujnyja adtuliny, jakija, jak miarkujuć navukoŭcy, źjaŭlalisia ŭnutranym «kandycyjanieram», piša BBC.
Raniej ličyłasia, što hetyja adtuliny ŭ vierchniaj častcy hałavy byli zaniatyja myšačnaj tkankaj, adnak ciapier hrupa daśledčykaŭ z ZŠA pryjšła da vysnovy, što adtuliny nasamreč byli zaciahnutyja sietkaj kryvianosnych sasudaŭ.
Daŭno viadoma, što bujnym žyviołam patrebnyja dadatkovyja miechanizmy achałodžvańnia, pakolki ŭ śpiakotu ich arhanizm moža paciarpieć ad pierahrevu.
Naprykład, u alihataraŭ taksama majucca zapoŭnienyja kryvianosnymi sasudami pahłybleńni, jakija dapamahajuć rehulavać tempieraturu cieła.
Vyvučyŭšy skamianiełyja pareštki i trochmiernyja vyjavy čerapa tyranazaŭra reksa, śpiecyjalisty vyjavili, što ŭ hetych dynazaŭraŭ byli padobnyja adtuliny.
Raniej navukoŭcy ličyli, što 2 bujnyja adtuliny ŭ čerapie drapiežnika byli zaniatyja ciahlicami, zadziejničanymi ŭ rabocie skivic.
