Minhandlu nie znajšło parušeńnia ŭ prodažy sšytkaŭ z rasijskim hierbam
Prodaž u handlovaj sietcy Fix Price sšytkaŭ z vyjavaj rasijskaha hierba i ściaha nie parušaje biełaruskaha zakanadaŭstva. Pra heta Jeŭraradyjo paviedamili ŭ Ministerstvie antymanapolnaha rehulavańnia i handlu ŭ adkaz na zapyt, ci nie źjaŭlajecca parušeńniem zakona handal tavarami z vyjavaj dziaržaŭnych simvałaŭ inšaj krainy.
Handal sšytkami, na jakich namalavany rasijski hierb, Kreml i matroški, aburyŭ niekatorych baćkoŭ, kali jany rychtavali dziaciej da novaha navučalnaha hoda.
«Zakanadaŭstva ab handli Respubliki Biełaruś nie źmiaščaje abmiežavańniaŭ na prodaž tavaraŭ z vyjavami dziaržaŭnych simvałaŭ inšych dziaržaŭ. Prodaž takich tavaraŭ nie źjaŭlajecca parušeńniem praviłaŭ handlu. Taksama vyjavy dziaržaŭnych simvałaŭ roznych dziaržaŭ na drukavanaj pradukcyi (sšytkach, natatnikach i h. d.) nie źjaŭlajucca rekłamaj i, adpaviedna, prodaž takich tavaraŭ nie parušaje patrabavańniaŭ zakanadaŭstva ab rekłamie», — paviedamlajecca ŭ adkazie.
U Ministerstvie handlu dadajuć, što navučalnyja dapamožniki, sšytki i słoŭniki pa zamiežnaj movie čaściakom źmiaščajuć dziaržaŭnuju simvoliku inšych krain i pradajucca ŭ Biełarusi mnohija hady.
